2016年12月16日

 

Ray手記 - Ray
葉蘊儀變真人圖書 望消除歧視

2016年02月22日
   

 

閱讀圖書,梗係去書店或圖書館,但Ray昨日去咗一個幾特別嘅讀書會,就係由女性動力基金(Her Fund)舉辦嘅「HER真人圖書館」,今次係第二屆,更邀請 葉蘊儀 擔任真人圖書大使。當好多人以為佢嘅身份較少受歧視之際,佢話自己13歲拍廣告、16歲拍電影後,活躍演藝圈只有8年,到依家42歲,仍然被標籤為藝人,但佢其實有多重身份。
葉蘊儀話佢曾經做過多種工作,例如童裝設計、marketing、藝術教育及設計、大學生,仲有廿幾年母親,十幾年單親母親,但每當佢出嚟講嘢,都被標籤係藝人,就好似呢次出嚟講嘢,都有記者問佢會否擔心北上搵人仔,佢話:「你唔好問我呢個問題,你問其他藝人啦!因為我係用第二個身份出嚟講嘢。」即係佢今次係以身為香港人、母親或單親媽媽、藝術創作者嘅身份,加上自己比較留意女性主義話題而出來說話,亦希望社會唔好歧視女權主義者,因為佢話唔係想叻過晒啲男士,只係想女性要懂得發掘自己,影響他人。
令次嘅真人圖書除咗葉蘊儀外,仲有7位來自常被社會誤解的社群的代表人物,包括一樓一性工作者、停學產女的年輕媽媽、跨性別人士、在職母乳媽媽及希望把民主帶入社區規劃的年輕女性區議員等。


投身傳媒工作多年,由市場研究做起,一直與公關、廣告、新聞界結下不解緣,心境永遠青春。

回首頁      列印

 

/48



C觀點

中原城市領先指數

廚神

旅遊