2016年12月16日

 

飲食事典 - 阿鼻
阿媽煲咗湯

2015年12月18日
   

 

自從教識阿媽用WhatsApp之後,我們這種搬了出去住的遊子收得最多來自阿媽的msg便是:「煲咗湯,今晚返唔返嚟食飯?」
而像我這樣的不肖子,只要回覆曰:「好吖~」便足以叫老媽樂足半天,然後用下半天來弄一桌九大簋等你返嚟食,旁人唔知還可能以為你剛剛放監。
從阿媽的角度出發,花時間心機煲咗一大煲湯,當然希望有人幫佢飲光。例如家母,每次我返去食飯,就好似入苗寨先要飲一杯「攔門酒」般、鞋都未除已經要先乾一碗,然後更頻頻「勸湯」,一餐飯下來喝掉四五碗簡直是家常便飯。而從不肖子的角度看,「喂我飲到成肚水喇仲飲」、「冇人飲咪唔好煲咁多囉」、「直情唔好煲添啦」等等等等,唉真係不肖。
不過世上還真有煲咗湯唔想俾個仔飲阿媽和為飲湯而不惜以身試法的兒子:美國新墨西哥州有一道傳統家常菜New Mexican Pozole,不外乎就是一煲有些肉有些粟米有些蔬菜有些辣的湯,但這樣一煲湯卻擔當著維繫家庭的重任──每逢過節當地阿媽便會煮定,讓一家人坐埋飲湯共聚天倫。
在今年感恩節過後不久,當地一個做仔嘅text阿媽:「媽,我想去你度飲你煲嘅湯。」阿媽斷然拒絕,阿仔便憤而爆入老家,從雪櫃中搶走成煲pozole逃去無蹤。
兒子不生性,母親也是狠角色,立即打911報警拉仔,拉到人後還決意告上法庭:「我同佢講過,呢個屋企唔歡迎佢!」
他們兩仔乸以前的恩怨外人不知道,不過,個仔冇幾可返嚟飲湯,分一碗俾佢囉反正實飲剩㗎啦。


微博 t.sina.com.cn/nosechoy
並請在FB搜尋「阿鼻的飲食字典」並於10秒內按Like

回首頁      列印

 

/212



C觀點

中原城市領先指數

廚神

旅遊