2016年12月16日

 

飲食事典 - 阿鼻
執到寶

2015年11月27日
   

 

天氣(好似)轉涼,你預備好翻箱倒槓換季未?每次換季,重頭戲當然都是「丟棄」:「咦呢件褸邊個㗎?」「你㗎!」「幾時買㗎我?」「前年,一次都冇著過。」「陣間你陪我落去夜冷舖賣咗佢。」
以前的人一生便生十幾廿個仔女,有時連仔女的名都會叫錯/唔記得;我們的衣服多如繁星,不記得某一件,好出奇呀?是的,每次換季,就是清倒一次垃圾──不騰出地方,又如何迎接新貨抵港?
不過有時,換季/執嘢也會執到寶。在華盛頓DC做脊醫的Ron,上個禮拜尾忽然雅興大發,想執拾執拾一下屋頂閣仔。不執尤自可,一執便執到了一個帽盒──就是用來裝帽的盒──他很記得小時候見過這盒子,雖然他的「小時候」已是上世紀五、六十年代的事情了,但他很肯定盒裡裝的是一頂皮帽,和一塊蛋糕。
 
蛋糕。而且是他阿爺阿嫲的結婚蛋糕。西人傳統,新人會把結婚蛋糕的最頂一層放在冰格,雪到結婚一周年(或首個BB洗禮)時再拎出嚟食,以示重溫新婚的甜蜜,也會保祐婚姻長久。
阿Ron說,阿爺阿嫲在1915年3月17日結婚,這片蛋糕已足足有100年歷史,當初放在阿爺的冰格,後來轉放在阿爸的雪櫃,後來大概大家都嫌佢阻碇,便隨手放在帽盒裡。縱使經歷百年,縱使糕身已完全硬化,但蛋糕看起來仍然貌似食得。「我梗係唔會試食啦你當我傻嘅咩!但係我會搵一個仔女繼承佢,睇下可唔可以keep多100年。」當律師公布你所得的遺產是一片百年蛋糕時,記得拍片擺上網,我想睇吓你個表情。


阿鼻~微博 t.sina.com.cn/nosechoy
並請在FB搜尋「阿鼻的飲食字典」並於10秒內按Like

回首頁      列印

 

/128



C觀點

中原城市領先指數

廚神

旅遊