2016年12月16日

 

墨寶 - 陳偉霖
退休慘過返工

2015年10月05日
   

 

「我剛剛退休都好似你咁諗,但慢慢就發現原來退休唔係想像咁好。當公司話好多謝你呢三四十年熱心為公司打拼,其實即係代表公司想同你講佢哋唔再需要你喇,你以前從公司得來的認同感會隨著你退休而永遠消失。退休嘅日子喺屋企百無聊賴,諗住帶個孫返屋企湊吓玩吓,點知原來D仔女唔係幾鍾意,可能怕我太寵粒孫啦,而家每日多咗嗰十個鐘頭都唔知做乜好。有人話去旅行,但人老咗其實仲邊有咁多精力成日去旅行呢,去旅行已經唔係咩節目,而係變成日常生活的指定動作,旅行只係用來填滿D時間,讓自己覺得生活好似好充實,但實情係悶過返工。」最近跟幾位退休人士談一下他們的退休生活,但五個裡面只有一個人對自己的退休生活是正面的,而這位前輩的正面退休生活只展開了五個多月,其餘四位則退休了四年或以上,都不約而同說退休慘過返工。
 
打工仔,日日望打風唔使返工已不是新鮮事,旅行能舒緩工作壓力,能儲點錢去到旅行更是打工仔的奮鬥目標。明明「唔使做」係打工仔夢寐以求的生活,為何到了退休才發現這幾十年所期待著的原來並不是自己所想要的呢?原因我相信只有一個,就是這些勞碌了大半生的人,這半生都在迎合社會的價值觀,例如讀好書為打份好工,賺夠就退休安享晚年等,說到底其實就是不懂得為自己而活。
 
你這幾十年不停用自己性命為公司增值,換來的只有不斷貶值的貨幣,這就是你幾十年打工生涯裡面一直在做的事,這對你生命有意思嗎?你退休感到失落,原來就是你為別人而活得太久了,退休為你帶來的空虛正好讓你反思以往幾十年做過甚麼,及餘下的人生你想為自己做點甚麼,否則去旅行湊孫去興趣班去做義工也完全沒有意義可言。
williamoutcast@gmail.com/周一刊登

回首頁      列印

 

/48



C觀點

中原城市領先指數

廚神

旅遊