2016年12月16日

 

飲食事典 - 阿鼻
雞翼誠可貴 因果價更高

2015年09月25日
   

 

8,000萬中秋金多寶,你有沒有份?有份,有份買囉。疊埋心水捱騾仔吧!這種大橫財邊會有你份。
不過有時,發一下小橫財並不是夢,而且不用排長龍買六合彩,叫個外賣pizza就可以。
這次來東京因為逗留時間長,為省酒店錢便上Airbnb租了個單位。單位在西新宿的民居深處,一入夜便水靜鵝飛只聞蟬叫──電單車聲卻是絡繹不絕,而且幾乎全都是Domino’s的外賣車。這裡的Domino’s除了網上叫pizza,人客還可用LINE落柯打,難怪會如此受歡迎。
不知道附近的鄰居,會不會像下面這位朋友般好彩:阿Mike是三藩市一個bartender,上星期五晚他趁day off之夜諗住一條佬叫個pizza叫盒雞翼喺屋企自嘆。Domino’s的外賣人員剛剛按門鈴,他的電話便響起──公司急召他回去加班。心裡狂爆粗的他,只好把那些香氣四溢的紙盒丟進雪櫃。
凌晨5點收工回家,他想起那些紙盒,先食雞翼吧!一打開,咦,「係咪返工太辛苦呢?我見唔到雞翼喎,見到兩疊錢喎!」寫著「雞翼」的紙盒內,是兩疊用橡筋紮好的紙幣;細數一下,居然有USD1,300咁多。
送外賣的仁兄為防錢被偷,便在放錢的盒子上寫著「這是雞翼」,這喬裝招數高明得把自己都騙倒了,把錢當成雞翼送到客人手上。心焦的外賣仔成晚狂call阿Mike,可惜人家正在開工唔得閒聽。幸好這位bartender相信因果、也怕害外賣仔冇咗份工,遂把事件po上FB(圖)後立即原銀奉還,Domino’s方面也很識做地執行因果、送他免費一年任叫pizza。


微博 t.sina.com.cn/nosechoy
並請在FB搜尋「阿鼻的飲食字典」並於10秒內按Like

回首頁      列印

 

/136



C觀點

中原城市領先指數

廚神

旅遊