2016年12月16日

 

我的選擇 - 何駿傑
百年果欄揀生果

2014年01月17日
  • 全港唯一獨家代理,用火山灰種的荷蘭車厘茄,酸中帶甜,可做沙律或當生果食。

  • 老店位於一九五二年建成的石龍街,兩層高,風霜見露容顏。

  • 1.第二代老闆(左)指多種生果已消失,如中國蘋果、新會甜柳橙、三兄弟美國橙等,又笑說賣生果如賣海鮮,要揀到靚才收貨。

  • 2.游炎記果欄─油麻地石龍街路口第二間(1號A)  
     電話:2388 0787

  • 3. 選購澳洲舊橙要留意盒上寫有橙種名稱,名為Lane Navel Oranges($20/4個) ,若買新奇士橙,要留意橙身編號4012及3107。

  • 4. 左上為王林蘋果($55/2個) ,右上名月蘋果($30/個) ,右中及右下是華盛頓蘋果($20/4個)及美國溏心富士蘋果($20/3個) ,左下為日本世界一蘋果($70/2個) 。

  • 5. 美國青提子大粒無核,($25/磅);左是果身軟腍,俗稱萬壽果的夏威夷木瓜,皮轉黃色代表成熟,瓜底滲出果香($25/磅) 。

   

 

油麻地果欄予我的印象是三山五嶽,如非必要,閒人免進,千里之行,始於足下,發現果欄是充滿友情之地,所賣的生果定必最新鮮當造,適逢臨近新年,家家愛買生果拜年,寓意生生猛猛、生氣勃勃,故問有六十年歷史的游炎記如何揀靚橙、蘋果、車厘子等果品。
建於一九一三年的果欄,欄內有游江記、游柏記、游培欄,與游炎記屬同一家族,老店一直從事批發生意,近幾年才兼做零售,第二代老闆亦樂意解答我的提問。橙、蘋果及柑基本是主要送禮生果,他表示橙最好買澳洲舊橙,皮又硬又厚,買相皺皮不討好,橙味淡,但最甜最多汁,食落無渣無筋;若要外貌標緻,可選美國新奇士新橙,光滑圓身,橙香濃郁,味道最酸,要等到5月時分變成舊橙後才會轉甜,秘訣是「年尾及年初食澳洲橙,年中食美國橙」。
論款式,蘋果款式比橙更多,味道、質感大有不同,老闆指,日本有兩百多種蘋果,香港常入口的五種,有林檎、秋月、名月、王林及世界一,另有美國華盛頓及溏心富士,顧客送禮多選世界一,賣相討好粉紅肥大,可惜粉腍不爽身,有渣兼少汁,相反王林及名月多汁爽口,少渣且香味重。日本蘋果價錢較貴,美國溏心富士蘋果同樣多汁爽口,價錢較便宜,可以一試,「要記住所有蘋果都要雪,不雪會變粉腍,甜味減少。」柑取其音送「金」,街市多賣內地永春柑或台灣蘆柑,老闆只賣日本柑,細細粒橘紅色,我試過皮薄多汁,無筋無核,一盒五個,有爛包換,「要賣得公道,待客人如待朋友,不要計較」。除以上三款外,番茄、木瓜及車厘子也是不錯選擇。
別以為送番茄非常古怪,這是來自荷蘭用火山灰種的車厘茄,色澤多變,微酸,皮脆多汁,三年前才引進市場出售。送木瓜更覺古怪?瓜字諧音不吉祥,其實木瓜亦叫做萬壽果,送予長者定必歡喜,老店只賣一年四季皆有的夏威夷木瓜,因內地的木瓜瓜肉帶草青,甚或有討厭貓屎味,相反夏威夷木瓜甜味重,無異味,黃肉色,多汁腍軟。
年初當造的澳洲塔斯曼尼亞車厘子,爽脆汁多,細核厚肉,留意產期已接近尾聲,要買趁手。
過新年一家人食生果,話舊歡聚,樂也融融,生果顏色鮮麗,與年花襯托下,互相輝映,即使銀壇巨人逝去,我們不感可惜,新一年應有新希望,果欄定會傳承下去。

 四處搵食,尤喜懷舊食物,愛好下廚,搵人做白老鼠。
acmilanfrance@yahoo.com.hk

回首頁      列印

 

/112



C觀點

中原城市領先指數

廚神

旅遊