我的選擇 - 何駿傑
抵食尖咀茶記
-
牛腩肉味濃郁，一碟有六件，肥肉位更腍香，非常入味。($42)
-
大塊雞扒，馬來亞咖喱汁濃香，飯多。($43)
-
有牛肉味還有辣味的羅宋湯，材料豐富，不是水汪汪，抵飲！($13)
-
大隻即炸雞髀，肉滑皮脆，配薯條，一啖肉，一啖茶，正！($24)
-
港式熱狗，材料簡單，炸雞翼椒鹽味比雞髀更重。($25)
-
阿四快餐的裝修極有八十年代的感覺。
-
聯威前身經營包伙食，廿年前由現時茶記老闆接手，現在多三行、藍領人士光顧，可能舖租較平，每款餐的價錢亦比其他店便宜，茶記面積大，易搵位。
國旗轉換後，尖沙咀成為內地人旅遊的集中地，廣東道一帶變成名店購物區，很難找到平民茶記可歎歎下午茶。其實只要走入內街，仍不乏小店食肆，我找到兩間茶記，無論價錢及質素都相當抵食，特別在下午茶時段，可以聽見各行各業的苦況，讓我感受到仍置身在香港。
小店在北京道附近的樂道，女名作家蕭紅亦曾暫居此處，這裡有很多特色食店，我卻愛食阿四快餐。別以為叫快餐就是「水嘢」，其咖喱質素及羅宋湯拍得上某高級餐廳。一碟咖喱雞扒飯，有兩大塊厚雞扒，微焦皮脆，肉質嫩滑，油份不多，咖喱汁是馬來亞咖喱，椰汁味濃香，不辣帶甜，稠度剛剛好，汁多撈飯一流，飯量亦絕不欺人，不像某店用圓拱形碗扮多飯，飯有兩碗多，連我也覺飽肚，連飲品都不過是四十多元。小店另一名物是咖喱焗牛腩飯，焗飯即叫即炒即焗，食時熱氣及香氣隨之上升，牛腩逆紋切件非常軟腍，而牛筋更滑入喉嚨，薯仔角切腍粉，飯粒有些爽口，有些索盡咖喱香，咖喱味比雞扒飯的更濃，辣味更是慢慢滲出，價錢亦是四十多元，質素高，好食！羅宋湯更是意外之選，有很多茶記將雜菜湯當作羅宋湯，小店卻非常誠實，湯有辣味及牛骨香，配料有牛肉、洋蔥、椰菜、辣椒、西芹、紅蘿蔔及番茄，酸味不多，蔬菜微溶，材料十足，加些胡椒粉倍添惹味，兩人飲湯食飯捧腹而回，真是大滿足，小店還有芝士咖喱焗海南雞飯，名字有點古怪，我想味道應可以接受，下次再試。尖沙咀的抵食茶記豈只有一間，另一間要花少許時間找找，因為被名為區內的「蛇竇」，當然比較隱蔽。
在兩所大廈的天井中間位，聯威的位置確有點「騎呢」，不過質素絕不失禮，炸雞翼及炸雞髀全是即炸，皮脆如薯片，椒鹽味香濃，配上即炸粗身波浪形薯條及港式熱狗，熱狗只有番茄，輕輕炸過的腸仔及沙律醬，包煎得微脆，有少許牛油香，如此簡單的材料已是十分美味，另外凍檸茶的茶底濃厚，甜味十足，即使加幾次紅茶也不覺沖淡。有食客告予我知，小店的鹹魚雞粒炒飯炒得不錯，若試過的朋友請與我分享，小店星期日休息。於我所見，城市原來的面貌已日漸模糊，我們努力去保護，另一方卻慢慢蠶食，到最後只可在茶杯裡談笑風生。
阿四快餐：九龍尖沙咀樂道21號地下
電話：2366 7987 / 2311 6882
聯威茶餐廳：九龍尖沙咀柯士甸路15號B，E座地下(嘉華大廈內)
電話：2366 4997 / 2366 4927
何駿傑~四處搵食，尤喜懷舊食物，愛好下廚，搵人做白老鼠。acmilanfrance@yahoo.com.hk
列印
