2016年12月16日

 

我的選擇 - 何駿傑
骨子裡仍是懷舊

2012年10月12日
  • 白宮冰室已結業,但又延續一個新故事。

  • 1.蒸肉餅賣相好,欠肉汁,要努力改善。 ($78)

  • 2.湯如奶的杏汁白肺湯,時間及用料十足,必要一試!($188)

  • 3.乾炒牛河炒得有鑊氣,可惜炒到碎濕濕。($68)

  • 呼吸飯店

  • 冇冰凍咖啡,微酸,透心涼。($15)

  • 時間彷彿像大鐘停下留在舊日時光。

  • 用山楂汁炒的生炒骨,微酸,好食。($68)

   

 

世事常變,若在十年前,有幾多人愛好懷舊之物?現在則要原封保護之外,連食都要依古法烹調,最近在土瓜灣吃了一頓懷舊本地菜,無論店內裝修,食材選擇都是依前人之方,但是又有幾多人只是貪新鮮,真用心去感受呢?


小店前身是懷舊冰室「白宮」,結業後老闆保留了冰室的陳設。紙皮石牆,木雕掛燈,連食物也是懷舊,叫了杏汁白肺湯,生炒骨,乾炒牛河及蒸肉餅,此四款菜式若做得出眾,可見小店功力。秋日飲杏汁白肺湯是最佳選擇,秋天乾燥,杏仁有潤肺之效,一飲,正!煮此湯的步驟極多,單是洗豬肺已夠煩厭,要先把杏仁磨碎成汁,連同瘦肉、雞腳、火腿及豬肺一同煲,湯色如奶,潤滑喉嚨,杏仁與肉香混合,不肥膩,膠質重,質素拍得上名店陸羽及西苑,湯的分量頗多,一大班人飲是最好不過。杏汁白肺湯是小館名物,生炒骨亦是非食不可。煮生炒骨,最重要是汁,要剛剛好包著所有肉粒,碟底要沒有多餘汁才是合格,而汁是由山楂、白醋、白糖及少許茄汁調出來,部分食肆不落山楂,只落茄汁,但沒有果香及微酸,若找不到新鮮山楂,可用零食山楂片磨汁代替。小店的生炒骨便做到以上要求,排骨炸得酥香,肉質頗嫩,即使加汁炒後仍保持爽脆,滋味十足。食食吓見到另一麻煩菜式荔芋香酥鴨,負責人指因芋頭不當造而不做,可見小館對食材要求很高。話雖如此,乾炒牛河及蒸肉餅的質素較差。碟乾炒牛河炒得夠鑊氣,牛肉亦嫩滑,但問題在河粉用了放湯的幼河粉,不是粗河粉,炒得碎濕濕,另外上色不均,還有部分河粉黐在一團,碗底多油更是敗筆,雖然配上余均益,亦難掩失望。至於蒸肉餅,小店標明是手剁,食落也食得出不是用機攪的「肉碎」,用蒸籠加荷葉做碟蒸,賣相雖好,可惜沒有肉汁,肉餅死實,是否落水的分量出現問題呢?都是還原用最普通瓷碟蒸吧!
小店雖做小菜,但在白天繼續做冰室,那杯冇冰凍咖啡沖得不錯。朋友說用古法烹調菜式真是零舍不同,我問他有何不同,他只說好食。啊!又一個不知道吃了甚麼又話好吃的人。算了吧,不懂吃是沒有所謂,但不懂做人呢?
 

呼吸飯店
土瓜灣馬頭角道91號地下 電話:22642777
 

四處搵食,尤喜懷舊食物,愛好下廚,搵人做白老鼠。
acmilanfrance@yahoo.com.hk

回首頁      列印

 

/100



C觀點

中原城市領先指數

廚神

旅遊