2016年12月16日

 

我的選擇 - 何駿傑
真正尋回屋邨風味

2012年07月27日
  • 極有鑊氣的XO醬小炒王,好食!($55)

  • 不合格的鹹魚雞粒豆腐煲,要改進!($45)

  • 黃金魷魚算煮得有水準,蛋黃香,魷魚鮮。($55)

  • 碟滷水雜錦炆得入味,必要一食!($45)

  • 肥佬德滷水小炒─香港新界青衣長康邨第二期熟食亭7-8號舖
    電話 :
    24325327
    24358907

   

 

不知是社會的怨氣太大,或是形象太差,領匯早前所辦的尋回屋邨風味活動,在一片「歡呼聲」中結束。我知道在領匯管理下的屋邨,甚麼士多,大牌檔早已改為連鎖商店,幸好較低商業價值的長康邨,仍保留一所有街坊情味的大牌檔,我想這正是真正屋邨風味。
我不是在屋邨長大,不知道那種屋邨之情,只逗留在長康邨肥佬德大牌檔兩三小時,便體會到街坊的睦鄰之情,當中所送的例湯,飲落有回家的感覺,是日例湯是老黃瓜赤小豆煲豬骨,別以為是味精貨色,老闆用了四五個小時煲成滴滴精華,雖覺有落雞粉,但確是好飲。約班街坊朋友飲酒敘舊,當中佐酒小菜的質素必要高,XO醬小炒王及滷水雜錦是做得不錯。大牌檔食小菜,最講求有鑊氣,小炒王鑊氣充足,夠乾身,而坊間的小炒王多用西芹及肉粒,但此店用比西芹更香及爽口的韭菜花,配上蝦乾、銀魚乾、土魷、菜甫及腰果,食落惹味甘香,最好食是腰果,若炸得不透,腰果會很快腍,但食到最尾仍保持脆度,正!初時食只覺鹹香,後來愈食愈辣,愈食愈起勁,配上幾支大啤,確是一流。至於那碟滷水雜錦,所有材料都煮得入味,不是死鹹,尤其是雞翼尖及豆腐,雞翼尖炆得腍滑,而豆腐不覺太鹹,若加支玫瑰露加冰,真是忘懷愉快,暢敘幽情。小店較出色的小菜還有酥炸大腸及黃金魷魚,質素可能不及愛文生及金潮,但已是不錯的選擇,唯獨鹹魚雞粒豆腐煲,做得認真麻麻,沒有鹹魚味外,芡汁水汪汪,豆腐不入味,小店務必要改善。
話雖如此,看見老闆像知道每枱客人的姓名,那正是屋邨的情懷;一家人同枱食飯,最重要是有交流,若在街外用膳,遇見街坊街里,定會寒暄幾番。
我已很少見到老闆和員工同枱食晚飯,我想這已跳出僱主和員工的關係。人情味,街坊情,這真正是屋邨風味啊!
我知道,領匯已大肆破壞這些情懷,故希望各位讀者朋友向我介紹,讓我知道哪條屋邨仍保留碩果僅存,用金錢也買不到的人情味,一齊真正尋回屋邨風味。

 

四處搵食,尤喜懷舊食物,愛好下廚,搵人做白老鼠。 acmilanfrance@yahoo.com.hk

回首頁      列印

 

/96



C觀點

中原城市領先指數

廚神

旅遊