2016年12月16日

 

糧草先行 - 士兵
辣蟹的二次創作

2012年05月04日
  • 1.炒辣蟹─$450(視乎重量)有大蟹選擇,另有二人或四人辣蟹套餐供應,豐儉由人,記住嚟食多幾次變熟客,松師傅炒飯話唔定唔收你錢。

  • 避風塘炒辣蟹+食完加白飯=避風塘炒辣飯

  • 2.黄金蝦─$108 鹹蛋黄的鹹香味道較其他食店來得溫和,這種真味坊間難尋,配上印尼深海蝦,連蝦殼一齊吃風味更佳,暫時吃過最好,必選。

  • 3.蝦膠鮮魷─$108 鮮蝦打成的蝦膠釀在鮮魷上來炸,脆+爽+彈,好食過炸蝦丸十倍。

  • 4.蠔餅─$88 賣相精美,有如盛開的花,盡顯師傅功力,入口酥脆,炸漿調校得恰到好處,蠔肉鮮甜,難怪友人連吃數件。

  • 松記辣蟹小廚:九龍城獅子石道13號
    電話:2716 1982

   

 

去邊度食辣蟹好?相信大家想也不用想便會立即搶答:鵝頸橋附近!唔係話唔好食,只不過價錢乸脷,尤其是最出名嗰幾間,一隻蟹動輒上千元,當中大部分去了交租;記得當年去「X記」,入座後仲要一次過落單,不能再追加柯打,極寸!食完行出來一頸都係血兼成肚氣,除非你鍾意俾人凌遲逐忽肉割啦,否則銅鑼灣從來不是最佳辣蟹地點,而我的Best Choice就在九龍城。
經過搬機場金融風暴沙士海嘯侵襲的九龍城,乃係卧虎藏龍之地,沒斤両的食肆根本難以立足,而「松記辣蟹」由○七年開業至今,由入廚三十多年經驗的老闆兼大廚松師傅坐鎮,憑一碟避風塘炒蟹喺九龍城賣到街知巷聞,成為泰菜潮菜火鍋以外的一個絕佳選擇,連喺附近賣曲奇餅的謝寧,食完喺周刊專欄也大讚特讚,厲害吧!
松記的辣蟹選用菲律賓肉蟹,實肉多膏,用大量段香蒜辣椒爆炒,每件蟹都被配料包裹住,蟹肉鮮甜兼滲著辣味,吞下不久舌尖開始發熱,一股刺激的香氣向上走,額頭流汗,鼻子亦緩緩流著鼻水,同枱友人無一倖免,狼狽地一件接一件的食食食,大呼過癮,這種辣度令人著了魔,松師傅的手藝真厲害!蟹食完,剩下了大量蒜辣椒怎辦?不如來個「二次創作」,加白飯來炒,避風塘炒辣蟹即時變成避風塘炒辣飯,所有精華盡被飯粒吸收,不消五分鐘清碟,好吃得願意用命來換;這個「二次創作」,霸權政府係告你唔入的(立到法的話),請放心食用(利申:本人堅決反對版權修訂條例草案)。

饞咀,成日想食好嘢,卻一星期食足五日外賣飯盒嘅死肥仔。

電郵:springkwok@am730.com.hk

 

 

回首頁      列印

 

/96



C觀點

中原城市領先指數

廚神

旅遊