2016年12月16日

學校裡的超人爸爸 富哥劉仕富

2016年11月18日
全部 > 特寫
  • 學校裡的超人爸爸 富哥劉仕富

  • 富哥有時間便落場和同學仔打下波,他們眼見富哥雙腳受傷,也特別照顧他,就住嚟打。

    富哥有時間便落場和同學仔打下波,他們眼見富哥雙腳受傷,也特別照顧他,就住嚟打。

  • 富哥有時間便落場和同學仔打下波,他們眼見富哥雙腳受傷,也特別照顧他,就住嚟打。

    富哥有時間便落場和同學仔打下波,他們眼見富哥雙腳受傷,也特別照顧他,就住嚟打。

  • 於聖保羅書院任職校工46年的富哥,深受學生愛戴,哄得大家笑逐顏開。

    於聖保羅書院任職校工46年的富哥,深受學生愛戴,哄得大家笑逐顏開。

  • 富哥身後較高的一座校舍,是2006年10月啟用的新行政大樓,設施包括校務處、校長室、教員室、美術室及音樂室等。

    富哥身後較高的一座校舍,是2006年10月啟用的新行政大樓,設施包括校務處、校長室、教員室、美術室及音樂室等。

  • 放學時間,富哥不時走到校門歡送學生。

    放學時間,富哥不時走到校門歡送學生。

  • 聖保羅書院創校165周年紀念展覽日
日期:本周六(19日)   時間:上午10時至下午5時   地點:中西區半山般咸道69號

    聖保羅書院創校165周年紀念展覽日
    日期:本周六(19日) 時間:上午10時至下午5時 地點:中西區半山般咸道69號

   

 

46年,到底要多喜歡一份工作,才有如此熱誠做足46年而不言休?
聖保羅書院的校工富哥(劉仕富),小學畢業後第一份工就是任職校工,
這亦將會是他人生中最後一份工作。「我諗我會做到做唔到嗰刻先會退落嚟。」
文:Phoebe Yuen 圖:陳釗



不言休
只有小學畢業程度的富哥,卻說得一口流利的英文,跟校園裡的外籍老師溝通完全沒有難度。這歸功於這46年以來,他邊做邊學,閒時主動跟外籍老師講兩句練回來。「就算一年學一句英文,都起碼識講46句啦!得閒又睇下明珠台,學下學下咪識囉!」17歲那年小學畢業後,經媽媽的朋友介紹下入職聖保羅擔任校工,「學歷唔係高,份工又好似幾穩定,咁咪試下囉!十幾歲人仔有份工做已經幾好,做落又好開心,咪一直做落去囉!」當年面試,沒有特別的入職要求。規律的工作,每天如常。朝早六點多回到學校,在老師和學生還未到校前,就要先打開大門兼打掃好;到大家放午飯的時間,又到富哥出動,打開校門,更不時充當訓導老師角色,「喂!唔好跑啊!因住仆親!」鐘聲一響,到了放學時間,再次開門,歡送學生。其餘時間,富哥和其他工友便負責打掃班房、影印、沖茶……大家看到和看不到的工作,全靠一班校工叔叔和嬸嬸們照顧得妥妥當當。富哥笑言:「我有個習慣,就是所有試卷影印前,我都要由頭到尾看一次,以免有錯漏或重複。」畢竟處理過46年來的試卷,每年考試出甚麼題目他都一清二楚,經由他過目,保證穩陣。
以為放暑假就可以抖抖?錯了!現擔任校工總監的富哥,除了安排工友放假的時間表之餘,亦要負責校園內大大小小的維修工作。為免工友辛苦,不管大小事務,他皆堅持親自負責和監工,就連放假遠遊都一樣冇時停。「記得有一年喺瑞士度假,搭緊登山纜車上雪山頂,點知有工友打嚟問我把掃帚放咗喺邊!真係激氣,幾十蚊IDD啊!」看見他哭笑不得的表情,還是帶著一絲甜,至少他知道自己在大家心中是何等重要。有老師擔心他年紀漸大,工作辛苦,曾勸告他退休安享晚年。「維持現狀我就最開心,我諗我會做到做唔到嗰刻先會退落嚟。」


 
學生爸爸
「(一做就46年,唔悶咩?)點會悶!對住班俏皮學生不知幾開心,得閒同佢哋打下波不知幾過癮!」在課室踢西瓜波、偷偷充電、玩手提電話,甚至同學之間有爭執推撞,只要富哥一出現,學生便馬上「變乖」。「咪做下中間人叫佢哋冷靜下囉,誰是誰非,整傷邊個都唔好啦!一陣推亂晒啲枱枱櫈櫈,盞啲工友做得辛苦。」有曳學生,當然也有乖學生。「曾經有學生帶埋屋企個掃把嚟,話要幫我手打掃課室。」眼見學生如此懂性,令他不免感觸。
每年的開學禮,富哥也會站到講台致辭,特別是這句訓示,每年都必定會講一次:「未到中秋,一定有學生提早食『St. Paul月餅』,大家好醒醒目目喇。」所謂「St. Paul月餅」,指的是「波餅」。不少學生喜歡在球場旁邊吃午飯,「一個西瓜波飛埋嚟,成盒飯倒瀉晒,最後咪又要我出動。」滿是污漬的白恤衫,交給他一洗,放在天台晾曬數小時,學生放學便有乾淨校服穿走。而幾乎每星期上演的爆呔情況,富哥亦早已見慣不怪,更遺傳了媽媽的一雙巧手,變身成「縫補補」,每年補上幾十條褲。「學生高矮肥瘦樣樣齊,邊有咁多條後備褲俾佢哋,咪唯有幫佢哋即時補好。麻煩?冇所謂啦,男仔鍾意打波嘛,唔怪得佢哋成日爆呔嘅。」對學生、工友和老師都有求必應的富哥,早已成為大家心中的好爸爸。有移民外國的畢業生返港探親,連校長都不見,也先要拜會富哥;又有兒孫滿堂的舊生帶著一家大小來探望他,令他窩心又感動。就連學生返母校求婚,也是請富哥幫忙安排。「企喺四樓睇住佢抱得美人歸,終於都大個仔囉!」

 
 
打成一片
名人輩出的聖保羅書院,校友於畢業後涉足不同界別,當中最為人熟悉的,包括立法會議員張超雄、曾鈺成;前金融管理局總裁任志剛;著名心臟科專科醫生黃祖耀;資深大律師胡漢清;國際知名建築師貝聿銘,以及藝人鄭丹瑞,人才濟濟。提起名人軼事,富哥對阿旦(鄭丹瑞)印象最深。「佢由細到大都係咁牛高馬大㗎!不過係曳啲,講下粗口,放學又唔肯走咁,但佢真係幾叻仔!」
總是掛著笑容的富哥,最怕遇上的是學生情緒問題。他只好「舢舨充炮艇」,充當輔導老師安撫他們。而遇到學生和老師的對立局面,他總保持中立。「冇話幫邊個,通常都係學生錯㗎喇!但老師有時又太嚴厲,所以要取得平衡。我唔知頭唔知路,都係少出聲為妙,唔好參與討論。」選擇遠離師生糾紛的他,卻熱衷參與運動。除了每年的校友籃球比賽,富哥一有時間便和同學仔打波聯誼。每個經過的學生都不禁說:「嘩!富哥打波啊!」猶如明星出巡。同學仔亦俾足面錫住富哥,任由他進攻籃板。在聖保羅裡,沒有傳統的階級觀念,學生和校工可以打成一片,即使校長也絲毫沒有架子。
不管發生甚麼事,同學都會先找富哥幫忙。訪問當日,剛好碰到遺失了銀包的同學仔,他一臉慌忙來找富哥幫忙。富哥不好意思地暫停訪問,了解事情經過後,再用對講機著在「黃鳴謙校舍」附近工作的工友幫手開門,好讓同學內進尋找。幸好,最後都能尋回銀包。「有時佢哋唔知擺咗個銀包去邊,錢都冇點搭車返屋企喎!幫到就幫囉,咪俾少少錢佢哋搭車返去。」「幫到就幫」這四個字,在整個訪問過程中聽過不下十次,幾乎成了他的口頭禪。然而,大家知道他可不是隨口說說。一個永不言休,事無大小都攬上身的校工,早成了大家心目中的超人爸爸。

■聖保羅書院創校165周年紀念展覽日■
日期:本周六(19日)   時間:上午10時至下午5時   地點:中西區半山般咸道69號

回首頁      列印

 

 

/112



C觀點

中原城市領先指數

廚神

旅遊