2016年12月16日

從今以後只做一件事 陳幼堅

2016年07月07日
全部 > 特寫
  • 從今以後只做一件事 陳幼堅

  • 從今以後只做一件事 陳幼堅

  • Alan位於灣仔的office內,當眼處只有一個獎座,就是去年由內地《Life Magazine》頒發給他的「國家精神造就者榮譽」獎,他既是得獎者,亦是獎座設計者。

    Alan位於灣仔的office內,當眼處只有一個獎座,就是去年由內地《Life Magazine》頒發給他的「國家精神造就者榮譽」獎,他既是得獎者,亦是獎座設計者。

  • Alan首件藝術作品是02年發表、以iPhone拍攝的照片,亦是其《iEye愛》系列首件創作,該系列至今已累積逾40件作品。

    Alan首件藝術作品是02年發表、以iPhone拍攝的照片,亦是其《iEye愛》系列首件創作,該系列至今已累積逾40件作品。

  • Alan的首份工作是於一家由澳洲人主理的廣告公司打工,當時他到訪老闆家時非常喜歡這幅畫,適逢今年是猴年,他當時的老闆便把此畫轉贈給他,意義重大。

    Alan的首份工作是於一家由澳洲人主理的廣告公司打工,當時他到訪老闆家時非常喜歡這幅畫,適逢今年是猴年,他當時的老闆便把此畫轉贈給他,意義重大。

  • Alan去年推出首個自家設計的家品系列「The SILKROAD Collection」,曾於米蘭世博會的上海館展出,靈感來自Alan珍藏的歐式Conversation Chair,設計結合了西方文化與東方美學,椅身沒有任何釘子,事關內裡有鋼架支撐,Alan笑稱「佢嘅壽命肯定長過婚姻」。

    Alan去年推出首個自家設計的家品系列「The SILKROAD Collection」,曾於米蘭世博會的上海館展出,靈感來自Alan珍藏的歐式Conversation Chair,設計結合了西方文化與東方美學,椅身沒有任何釘子,事關內裡有鋼架支撐,Alan笑稱「佢嘅壽命肯定長過婚姻」。

  • 台灣知名雕塑家朱銘是Alan最愛藝術家之一,單是辦公室便放置了3件對方的作品。

    台灣知名雕塑家朱銘是Alan最愛藝術家之一,單是辦公室便放置了3件對方的作品。

  • 跟意大利品牌Alessi合作製成的「鳥籠」濾茶器,靈感來自Alan小時候與亡父到茶樓飲茶的回憶。

    跟意大利品牌Alessi合作製成的「鳥籠」濾茶器,靈感來自Alan小時候與亡父到茶樓飲茶的回憶。

  • 日本是Alan的靈感泉源之一,熱愛到當地旅行的他,75年在富士山留影。

    日本是Alan的靈感泉源之一,熱愛到當地旅行的他,75年在富士山留影。

  • 由一位意大利年輕藝術家設計的橡皮筋puppy,是Alan近日的新玩具。

    由一位意大利年輕藝術家設計的橡皮筋puppy,是Alan近日的新玩具。

  • 香港出生的Alan,笑言小時候熱愛西方文化,本來就讀國際學校的他,曾因轉校而致成績一落千丈。

    香港出生的Alan,笑言小時候熱愛西方文化,本來就讀國際學校的他,曾因轉校而致成績一落千丈。

  • 一系列BB公仔是Alan與太太的訂情信物,自honeymoon到日本旅行後,他們每年都會買一個回港。

    一系列BB公仔是Alan與太太的訂情信物,自honeymoon到日本旅行後,他們每年都會買一個回港。

   

 

“Give before I take.”
本地殿堂級平面設計師陳幼堅(Alan),以此話來闡述他的做人宗旨。作為本地設計及廣告界名人,Alan早在九十年代已入主藝術界,入行數十載,越過高山亦走過低谷,早年推出個人作品《iEye愛》系列後,正式躋身藝術家之列。他近年除了打理自家設計公司業務外,更開辦「Gallery 27」推廣設計與藝術,早前在新晉藝術家「青山不墨」的首個書法藝術展《釀字》中,就見他在場內忙得一頭煙,事關他正是是次展覽策展人,問Alan為何對她如此厚愛,他說:「唔係因為佢靚女喎!而係我相信,做好事可以建立不一樣嘅人生,我依家唔想攞嘢,只想俾嘢人。」他指的是分享和付出。

文:Wing  圖:莊振邦


在沙圈中輪迴
「人生其實好似一個圈,好似日本嗰啲沙池咁,起點同終點都係同一點,我哋一直喺度走自己嘅人生,由零走到最後,咩都帶唔走,好似一個輪迴狀態。」由Alan與太太於1980年創立的「陳幼堅設計公司」,開業至今獲獎無數,但他的辦公室卻沒有展示多少個獎座,有的只是自家收藏或由他創作的藝術品,全因現在的他,眼裡只有藝術,不過單純的喜愛已不足以承受其生命的「重」,而他對Art那份愛反而是源於「分享」,「我細個嗰陣生活好單純,冇依家啲人咁複雜,人與人之間好緊密,但依家有咗互聯網,好似我啲仔女咁,放工返屋企就走入房閂埋門,到食飯先出嚟,食完飯又返番入房,佢哋個世界喺部電腦入面,根本冇機會同佢哋溝通,呢個年代,人與人已經冇咗humanity嗰種感覺。」雖然Alan是開拓本地中西文化、藝術融合先驅,理應崇洋,但據其公司員工所講,他沒有Facebook及ig個人account,從來只用手寫日記簿,對互聯網可謂敬而遠之,「依家呢代人,因為有互聯網,每個人都好自我,因為以為Google能知天下事,上網睇下料就咩都知,覺得唔使聽人講,以為自己好有知識水平,老實講,互聯網其實拉低咗人嘅知識水平,電腦有帶來便利,但另一方面睇,佢其實破壞甚至摧毀緊我哋嘅人生和生活。」


Let your heart  lead your way
人與人之間隨著科技發展變得疏離,是個不爭的事實,但年過60的Alan熱衷於分享與付出,動機並不偉大,甚至無動機可言,只是隨心而行,「如果有動機,即係有計較啦!我有計較就冇辦法付出㗎啦,我個人不嬲都係咁,冇計劃,如果要計算,嗰啲嘢就唔叫愛,我公司依家好成功,但我當年完全冇咁嘅計劃,咁多年都係隨性而為,我今日得到嘅嘢,係我按部就班,付出得番嚟。」Alan是個分析能力很強的人,他說:「呢個係我最大嘅能量,當然過程中一定有啲plan,但我ensure每件事都可以落實先會做,因為我分析同組織能力強,所以講得出就做得到。(呢種特質係天生?)都唔係嘅,以前跟過唔同老闆做嘢,認識好多唔同嘅同事和朋友,發現可以從人哋身上睇到自己。」


勝在夠八
所謂出外靠朋友,一直聽聞Alan這位學貫中西的才子交友廣闊,今次碰面,證實傳言非虛,「每日放工我都要同唔同朋友食飯,因為要in touch the world,每個人都有一個世界,你嘅世界見到嘅嘢,就算我見識再多都未必睇到,但我又唔係為咗想學多啲嘢先搵佢哋食飯,大家都知我鍾意食好嘢,鍾意了解唔同行業,好似我前晚同個女護士食飯咁,佢講咗好多醫院瑣事我聽,我先知原來醫生背後好多秘密,你話,呢啲嘢我平日朝九晚五返工點會知?」Alan認為,廣告是最接近生活的藝術,而他作為創作者,八卦是入行必備條件,「做呢行一定要知世界發生緊咩事,識朋友可以充實生活,填補自己世界嘅不足,我有模特兒朋友、律師朋友、OL朋友、建築師朋友仲有做保險嘅朋友……仲有好多好多唔同行業嘅朋友,同佢哋傾偈可以知道好多嘢,食飯嗰陣又唔會覺得似上堂,嘻嘻哈哈咁就學到新嘢。」


靈感來自女性
入行多年,Alan笑言自己「本性難移」,事關從廿多歲打工開始,他已極愛這種「晚飯對話」,不過,他強調自己非「social王」,而食飯對象亦經過精挑細選,「嗰啲乜鬼嘢回歸ball或總商會食飯,我唔會去㗎!對話要有內容我先可以同人食飯,如果佢講嘅嘢唔有趣,或者我早就知嘅,呢啲人咪唔好玩囉。(大部分係女性?)係,不過唔係想追佢哋喎,係因為女人都好八卦,我覺得我其實係女體,我明白女性好複雜,男性相對好簡單。男人,讀完書出嚟搵份工,向上爬然後成家立室,好簡單;我話女人複雜,唔係壞事嚟,佢哋對事物敏感度比男人高,做事細膩,因為母性係要組織家庭,連買咩煲,個仔讀咩學校都要諗埋,諗嘢係較多面向及複雜好多。」Alan貪靚,幾乎他公司所有同事都知,但他喜歡靚人更是人所共知,據他所講,他的晚飯對象listing中有不少紅顏知己,每位對他都非常了解和包容,「我早幾日本身諗住做完訪問就同個女性朋友食飯,點知delay咗,我又唔想遲到,咪取消咗囉,咁我8點度又打去搵另一位女性好朋友食飯,佢好了解我,雖然咁晏先搵佢,但佢明白我唔係搵佢攝時間,懂得諒解,呢種咪係女人嘅好處囉!」
要成為成功人士,或者並不困難,陳幼堅固然是設計界舉足輕重的人物,但人總不能持續競爭,總有退下來的一天,不過,當我問及他有否退休念頭時,他坦言「要退就會退,唔使計劃」。這個回應大概是意料之內,極符合其個性──隨心而行,想分享便分享,想付出便付出,相信當Alan某日想退下來時,他隨時就能拉著行李箱跟太太環遊世界,買盡天下figure與藝術品。

回首頁      列印

 

 

/56



C觀點

中原城市領先指數

廚神

旅遊