暫別樂壇非追B Kay想享受
家庭生活
2016年04月18日

謝安琪(Kay)一連兩場紅館個唱前晚圓滿落幕,這晚Kay邀請劉德華(華仔)擔任嘉賓,在慶功宴上,Kay表示,暫別樂壇原因除了想生B,亦想享受家庭生活,又說如果在家覺得沉悶,不排除半年後即復出。
Kay日前已公告將暫別樂壇一年,她直言沒有限定自己要暫別多久,又說:「可能半年之後我覺得太悶,會出番嚟同大家見面,又或者一年之後覺得休唔夠,會繼續抖,不過自己真係想返屋企,做好女兒、媳婦、人妻、人母嘅角色。」雖然屢被大家問到是不是要追生BB,Kay笑說:「大家唔好俾太大壓力我,有嘅話當然會開心,不過生孩子都唔係暫別嘅主要原因。」
摸劉德華胸感失禮
對於邀請華仔擔任演唱會嘉賓,Kay直言從前加入過華仔的歌迷會,所以邀請對方當嘉賓,對她來說是意義重大,Kay說:「今次未有用我曾經加入過『華仔天地』做理由,邀請華仔嚟做嘉賓,好感激佢今日嚟到,原本華仔唔喺香港,佢特地飛返嚟,仲問我想佢唱咩嘢歌。」提到她在台上摸華仔胸肌,她直言在當時太忘我和興奮,後來才發覺自己做了這麼失禮的事情。



列印



