2016年12月16日

[獨家]居民斥奪公共空間無諮詢
旅遊界轟漁人碼頭「走樣」

2015年12月18日
全部 > 新聞
   

 

選址在香港仔海濱興建的漁人碼頭計劃,由提出研究,經多次修改再暫緩擱置,前後歷經18年。現在漁人碼頭更「變奏」成海濱公園內的一間酒樓,旅遊業界大失所望,直呼「風味無得比」;同時,每日在公園晨運的街坊亦不滿安排,直斥本來已不足夠的公共空間再被剝奪,已向立法會議員投訴。

過去18年政府多次提出和修訂香港仔漁人碼頭發展計劃,儘管多次縮減發展規模,都未能成事。旅遊業議會前主席胡兆英力撐若落實漁人碼頭計劃,認為一定能大大提升本地的旅遊賣點,就如世界各地的漁人碼頭,都成功吸引旅行團及背囊友專誠觀光。但他強調,前提是真正的漁人碼頭,而不是一間酒樓,「一間酒樓嘅味道點同廿間食肆的味道比,你鍾意呢間我鍾意第二間,咁至有競爭同吸客,否則,開一間酒樓,就算全年無休又如何?早餐、宵夜遊客唔會嚟,亦唔會有人專誠過嚟香港仔食一間酒樓嘅海鮮,而本來香港仔碼頭已經有珍寶海鮮坊啦!」
胡兆英又認為,當年漁人碼頭計劃胎死腹中,是有地區人士反對,及食環署擔心環境污染,「既然家可以開酒樓,咁不如拆散嗰1億,開俾廿間食肆啦,污水都可以一條渠處理晒。」
旅遊界認為一間酒樓無助旅遊業發展,居民則指公園建酒樓剝削公共空間,香港仔關注組副聯絡人譚敏淳批評,香港仔公共空間已很不足,加上選址離民居僅相距一條馬路,擔心衍生噪音、油煙和交通等問題。他又指計劃缺乏諮詢,「只開一次名義上嘅居民諮詢會,實際上係計劃簡介會,議員無理過反對聲音!」
 
港島立法會議員陳家洛證實,接獲多名街坊反對,並協助居民將到立法會申訴。他認為,公共休憩用地不應改作食肆,「且企業同個非牟利機構關係千絲萬縷,當中嘅利益關係無法撇清。而且食肆要向非牟利機構償還所有墊支貸款,呢盤生意恍如『無本生利』。」
繼星光大道後,同以公私營合作模式(PPP)營運一億建酒樓計劃,身兼海濱事務委員會成員的建築師學會理事余烽立認為,PPP公私營合作模式原意多是給發展中國家,去興建牽涉幾百億基建時,政府資金不足才引入私營機構合作,給予營運權,「但香港政府咁有錢,香港仔海濱起間食肆咁簡單都要用PPP?要用到1億社區資源嚟做生意,咁點解唔乾脆叫嗰間食肆俾錢起呢?」他又認為,香港仔海濱對面馬路的香港仔中心一帶,已有很多商業樓面,建議有關部門思考為何仍要興建酒樓。

 
飲食界不知招標
記者亦向多位經營酒樓及飲食業界權威人士查詢今次公私營合作開酒樓事件,其中現代飲食專業協會會長胡珠很詫異,「我做了飲食界50幾年,完全唔知有呢件事,無人諮詢過我。如果政府公開透明出去講,可能有過百條入標呢?依家就咁俾咗一個集團,對業界對嗰間酒樓,都唔公平。單是喺香港仔我有新光酒樓、百樂門及百味王,都有34年歷史。象徵式收租對我哋每個月要俾過百萬租金嘅同行,好唔公平啊!咁點同佢競爭呀?」
中華總商會永遠榮譽會長張成雄亦對1億開酒樓一事感到難以置信,多番問記者:「唔會啩,點會有件咁嘅事?如果係真的,大把人爭住開!」記者及後向他表明「稻鄉」或將獲得經營權,他續稱,「稻香喺火炭有飲食文化館,確實有搞飲食歷史的經驗。但如果係政府全力配合,只係需要間酒樓俾啲空間推廣吓漁民文化咁簡單的話,好多飲食業界都可以做到。」
回首頁      列印

 

 

/212



C觀點

中原城市領先指數

廚神

旅遊