2016年12月16日

[睇碟]《技術者們》睇靚仔偷嘢當睇魔術

2015年06月05日
全部 > 小歇
  • 金宇彬高大靚仔,「二頭」、「三頭」爆袖而出;話頭醒尾,淨係聽聲就知個夾萬開唔開到。如果你係Madam,你會拉佢返差館定返屋企?

    金宇彬高大靚仔,「二頭」、「三頭」爆袖而出;話頭醒尾,淨係聽聲就知個夾萬開唔開到。如果你係Madam,你會拉佢返差館定返屋企?

  • 唔怪得港女咁鍾意睇韓片韓劇啦,又有男角大隻出浴鏡(女角都有),連高昌錫都喺訪問話:「我估大家唔會係想睇我出浴呱!」,

    唔怪得港女咁鍾意睇韓片韓劇啦,又有男角大隻出浴鏡(女角都有),連高昌錫都喺訪問話:「我估大家唔會係想睇我出浴呱!」,

  • 大配角林朱煥扮演冷血打手「李室長」,專幫曹社長收拾殘局,人物介紹叫佢做「善後技術者」,笑死。

    大配角林朱煥扮演冷血打手「李室長」,專幫曹社長收拾殘局,人物介紹叫佢做「善後技術者」,笑死。

  • 身為影壇前輩嘅高昌錫(右)戲入面成日俾李玹雨(左)蝦,李玹雨講笑話好佩服佢嘅氣度。

    身為影壇前輩嘅高昌錫(右)戲入面成日俾李玹雨(左)蝦,李玹雨講笑話好佩服佢嘅氣度。

  • [睇碟]《技術者們》睇靚仔偷嘢當睇魔術

  • [睇碟]《技術者們》睇靚仔偷嘢當睇魔術

   

 

真亦假時假亦真,當假銀紙都可以變真銀紙,真銀紙又可以變假銀紙,仲有咩唔得?好似啲韓星咁,要幾型,有幾型,理得佢真唔真。
文:葉紫微 (yipgmay@gmail.com) 


如果你有幾分靚仔的話,偷嘢偷得型快正,加上本著「劫富濟貧」、「盜亦有道」嘅宗旨,一切都可以自圓其說(先旨聲明,你幾靚仔都好,睇戲啫,咪學呀),造就一齣唔好駁古嘅神偷好戲。
金庫神偷金宇彬同爆破老手高昌錫兩兄弟向來合作偷古董珠寶轉手賺大錢,中途更招攬黑客李玹雨幫手,點知呢班「技術者」俾黑幫老大曹社長睇中,要脅佢哋45分鐘內偷走仁川海關入面嘅秘密資金一千五百億韓圜。點知中途黑吃黑,曹社長暗中利誘李玹雨「目及實」兩兄弟,令金宇彬暗算曹社長失敗,高昌錫亦命仔不保。
但去到呢度只係故事嘅一半,除咗印假銀紙、3D打印、電腦入侵同爆夾萬等技術場面,導演都放好多心機串連劇情。金宇彬早有預謀,佢爆格嘅珠寶店,原來係曹社長公司生意,順勢俾曹社長睇中佢一技之長;金又預先喺拍賣品鳳凰像裝偷聽器,捉曹社長痛腳明哲保身,而心儀嘅美術館館長趙胤熙,原來係老行家個 女,點知佢因為金盆洗手,唔肯幫曹社長偷嘢,最後被殺,金宇彬順勢將偷龍轉鳳嘅錢,捐咗去美術館,仲「親手」緝拿曹社長,令佢鎯鐺入獄,真係一次過報晒十冤九仇,一條橋串起成套戲,明晒!不過,點都忍唔住彈少少,金宇彬可唔可以喺適當時候先懶型咁笑呢?點解啲差佬明明有槍唔用,要花拳綉腿,夾硬俾班黑社會打到趴喺度?唔通要俾成個李小龍咁款嘅林朱煥表演功夫?


片長:117分鐘
發行:得利影視
Blu-ray特別收錄
●預告片
●Crossover訪問
●幕後花絮
●人物篇
●重量級嘉賓出席首爾VIP首映禮

回首頁      列印

 

 

/104



C觀點

中原城市領先指數

廚神

旅遊