2016年12月16日

[睇碟]《怪誕小箱俠》 有食物敏感就唔好玩階級喇!

2015年05月08日
全部 > 小歇
  • [睇碟]《怪誕小箱俠》 有食物敏感就唔好玩階級喇!

  • 要營造出輕微發脹,然後腫到似香腸同豬腸嘅效果,動畫師用電腦繪圖印咗12個唔同嘅面譜,再用6個月做出唔同程度腫脹嘅立體臉公仔頭,於是大家就可以欣賞到戴杜察慢慢變樣,到因為食咗終極芝士而宇宙大爆炸喇!

    要營造出輕微發脹,然後腫到似香腸同豬腸嘅效果,動畫師用電腦繪圖印咗12個唔同嘅面譜,再用6個月做出唔同程度腫脹嘅立體臉公仔頭,於是大家就可以欣賞到戴杜察慢慢變樣,到因為食咗終極芝士而宇宙大爆炸喇!

  • 根據電影公司製作資料,呢套戲有79組場景、超過2萬件手製道具,超過53,000個以3D技術打印嘅臉譜,其中15,000個屬於阿蛋,如是者阿蛋大約可做出1,400,000個唔同面部表情,而無上聖品「芝士」當然都唔嘢小,有55種咁多。

    根據電影公司製作資料,呢套戲有79組場景、超過2萬件手製道具,超過53,000個以3D技術打印嘅臉譜,其中15,000個屬於阿蛋,如是者阿蛋大約可做出1,400,000個唔同面部表情,而無上聖品「芝士」當然都唔嘢小,有55種咁多。

  • 配音陣容有賓京士利同艾莉芬寧當然掂,但唔好忽略相中呢兩隻「怪怪箱」,點解人聲可以扮到電腦聲效咁,勁!

    配音陣容有賓京士利同艾莉芬寧當然掂,但唔好忽略相中呢兩隻「怪怪箱」,點解人聲可以扮到電腦聲效咁,勁!

   

 

定格拍攝(Stop Motion)應該係世界上最有誠意嘅手作仔,銀幕上2分鐘鏡頭,都要一星期先搞得掂,所以雖則LAIKA工作室「怪誕」系列(《怪誕屍新娘》(Corpse Bride)、《怪誕隨意門》(Coraline)、《怪誕小學雞》(ParaNorman)啲公仔全部都核核突突,但我套套捧場,而《怪誕小箱俠》入面嘅boxtrolls「怪怪箱」更加係核突極品,不過劇情就十分過癮,怪怪箱嘅地下世界同一場舞會都做得華麗又細緻。
文:葉紫微 (yipgmay@gmail.com)


故事入面嘅大奸角戴杜察係「紅帽會」老大,佢為咗要達成一生終極願望──坐上白帽會老大巴馬臣勛爵個位,日日cheese tasting!於是十年前不擇手段屈怪怪箱擄走阿蛋,話佢哋專食細路同芝士,全個芝士鎮對怪怪箱聞風喪膽,戴杜察更要脅巴馬臣,話如果佢能夠消滅全鎮怪怪箱,就可以得到白帽寶座做打賞,巴馬臣當然就範!之不過芝士同白帽真係大於一切,包括連個女小雲都唔放在眼內,於是乎有戲得做。
十年過去,阿蛋由怪怪箱餵蟲餵大,仲似足佢哋咁有發明天份。一直以為自己係「箱」嘅阿蛋,遇到小雲先知自己係「人」。呢個時候真係好似聽到粵語殘片嗰段配樂,原來自己個老竇另有其「人」,而且佢仲未死──當年比戴杜察捉走咗嘅發明天才鍾伯特!講到呢度,劇情好似有啲老土,不過其實都一早預咗,點知好戲原來喺戴杜察身上!佢一直迫鍾伯特幫佢發明機械人Mecha Drill去消滅怪怪箱,咁一得閒做乜呢?就係迫啲手下陪佢玩cheese tasting大會,之不過佢本身對奶品類敏感,一食就全身敏感腫過豬頭,點知佢一於少理,班手下都怕咗佢,真係笑死人!做得奸角都唔會好樣得去邊,呢三個嘍囉全部都好樣衰,但除咗一個真正係衰,其餘一肥一瘦期間不停懷疑自己其實係好人,而「肥佬」仲非常有文采添!
呢套戲入面,奸人忠人,有階級無階級都想突破升呢,建議小朋友必睇,但大人要從旁PG,教佢哋人不可以貌相,而且要突破都要有個譜,做唔到唔好勉強,唔食得就唔好監硬嚟呀!


劇情:芝士鎮的鵝卵石路下住著一群小箱怪,每當夜闌人靜,牠們就會爬出來擄劫小孩和芝士!小箱怪外表騎呢,但其實心地善良,更收養了一個叫阿蛋(Egg)的孤兒,他與鎮長愛冒險的女兒小雲結為好友,更希望一起化解人類對小箱怪的誤會。可是有壞人打算把小箱怪逐一消滅,阿蛋和小雲想盡辦法拯救牠們和芝士鎮,竟意外地揭開了阿蛋的身世之謎……
片長:96分鐘
發行:洲立影視
特別
收錄
●黑白動畫《dare to be square》
●製作花絮:挑戰自然 (坑渠倒影/熊熊烈火)
●最難搞角色:患乳糖不耐症的戴杜察
●配音花絮──怪怪箱主角
●舞池盛會
●創造機械人Mecha Drill

回首頁      列印

 

 

/104



C觀點

中原城市領先指數

廚神

旅遊