2016年12月16日

[睇碟]《愛聚頭七天》

2015年04月24日
全部 > 小歇
  • 四兄弟姊妹選角好鬼似。

    四兄弟姊妹選角好鬼似。

  • 《Home for the Holidays》

    《Home for the Holidays》

  • 導演落重筆墨講手足之情,Jason Bateman同Tina Fey今次突破純粹搞笑,扮演內心極度脆弱。

    導演落重筆墨講手足之情,Jason Bateman同Tina Fey今次突破純粹搞笑,扮演內心極度脆弱。

  • Adam Driver扮演反叛細佬的確搶鏡,連老牌珍姐都話好enjoy睇佢現場表演。

    Adam Driver扮演反叛細佬的確搶鏡,連老牌珍姐都話好enjoy睇佢現場表演。

  • [睇碟]《愛聚頭七天》

   

 

Judd:「沒有一個人是快樂的,
你給我看一個開心的大人,
所有人不是哀愁就是生氣,
不是說謊就是偷情。」
即係點解做人成箱爛橙?


做人有plan好,還是冇plan好?都市人打份牛工,儲雞碎咁多,按部就班結婚買樓。之但係依家啲樓咁鬼貴,不如用嚿錢環遊世界仲實際,冇樓冇女朋友?遲啲先算,話唔定佢都未必同你做人世……條路點行,呢套戲就係要你停一停、諗一諗。
主角Judd(Jason Bateman)成世仔循規蹈矩,絕對唔會玩複雜,點知返到屋企,老婆勾佬,老竇死埋,萬念俱灰,返老家同其他三兄妺幫老竇守喪七日。Judd極力扮冇事,但瞞唔過挑通眼眉嘅細妹Wendy(Tina Fey),處處想搵位爆大佬痛腳,其實自己婚姻都唔多掂;仲有火爆兼古板嘅大佬Paul,成日俾老婆急call造人、四弟Philip無厘搭霎、玩世不恭,仲有負責主持大局、啱啱隆完胸中門大開嘅阿媽 (Jane Fonda),你都預咗會家嘈屋閉!
荷李活出名玩同類型片種,一家人再冤家聚頭,當中必定互爆陰私,主角身邊嘅另一半又多數騎呢難頂,但好似愈拍愈爛,橋段多數以堆砌無聊笑料取悅觀眾,而《愛》就沉重現實得多,好似第一場家庭會議討論股份,十足現實死老竇爭家產,而Judd兩兄妺互相扶持嘅感情線,就令我諗起1995年《Home for the Holidays》(導演Jodie Foster),當年飾演細佬嘅Robert Downey Jr仲係非常嫩口,佢同二家姐Holly Hunter關係特別好,一齊對抗正經到不行嘅大家姐,而結局非常現實:唔好以為所有人最後趕收場和好如初,唔夾就係唔夾,只不過投咗胎係一家就冇得揀!
正如Judd上面咁呻,但做人就要喺現實搵僅有出路,Judd最後勇敢面對老婆有咗,同時打算離婚,迎接青梅竹馬嘅第二春,Wendy就承認最愛始終係初戀情人,但就唔會離婚。至於啱啱死老公嘅阿媽,就同患難扶持嘅老死出櫃。「It’s okay to cry, honey. Or laugh. There is no correct response」。
文:葉紫微 (yipgmay@gmail.com)


劇情:四個長大成人的兄弟姊妹,各自有本家家難唸的經,過着焦頭爛額的生活。父親突然離世,讓四人回到久違了的童年的家,住在同一屋簷下共七天……
片長:103分鐘
發行:得利影視
特別收錄
●狂野爆笑片段
●導演講評刪剪及延伸片段

回首頁      列印

 

 

/108



C觀點

中原城市領先指數

廚神

旅遊