2016年12月16日

[睇碟]《單身男女2》然而共處半生都過去 你偏偏唔後悔?

2015年04月10日
全部 > 小歇
  • [睇碟]《單身男女2》然而共處半生都過去 你偏偏唔後悔?

  • [睇碟]《單身男女2》然而共處半生都過去 你偏偏唔後悔?

  • 其實點解吳彥祖要救古天樂?唔通佢真係火星上腦?

    其實點解吳彥祖要救古天樂?唔通佢真係火星上腦?

  • 我以為睇緊偉仔做戲。

    我以為睇緊偉仔做戲。

  • 上集玩青蛙,今集玩八爪魚。

    上集玩青蛙,今集玩八爪魚。

  • 吳彥祖為咗做高圓圓嘅火星男而戒酒,你會點揀?(飲得好似佢咁有型喎!)

    吳彥祖為咗做高圓圓嘅火星男而戒酒,你會點揀?(飲得好似佢咁有型喎!)

  • [睇碟]《單身男女2》然而共處半生都過去 你偏偏唔後悔?

   

 

當年我並冇入場睇《單身男女1》,只係安坐家中觀看某年某月某日電視重播,覺得好好睇之下,走去Facebook留咗一兩句,結果引起各位街坊茶餘飯後激烈討論:「你揀古天樂定吳彥祖?」而部分街坊仲好激動咁話:「我同第一次睇一樣,都係揀阿邊個!」但係我就偷笑:你睇戲先至咁大聲啫!


「理智與感情」呢種產物,書都有得寫,戲都有得做,可能第三次世界大戰都有得打。不過打到天荒地老又何妨,其實揀邊個咪當賭一鋪,日子咪一樣咁過,有乜邊個著邊個唔著?最多咪止蝕離場?所以導演就好聰明咁開多套續集喇!
理智同感情,一白一黑,永無灰色地帶,代表吳彥祖同古天樂,本來已經毫不相干,但偏偏有樣東東叫緣分,而楊千嬅同周渝民就係緣分嘅角色設定,搞到即將嫁俾吳彥祖嘅高圓圓又要揀多一次。
緣分要玄起上嚟,可以好離譜,好似古天樂因為仍然掛住高圓圓,竟然租咗佢以前嘅單位,而高又因為以前個單位俾人租咗,惟有租番隔籬個單位,結果俾楊千嬅發現呢個巧合;周渝民原來係高圓圓阿哥,但楊千嬅一直唔知情,後來見到佢哋兩兄妺一齊試婚紗禮服,以為周渝民就係圓圓未婚夫吳彥祖!你以為楊千嬅乜都冇好慘咩?其實周渝民仲慘,但我就笑到標眼淚,佢由頭到尾都俾人以為係姦夫、情敵、人渣,搞到全部人七國咁亂,呢度先至係全套戲嘅高潮,仲高過古天樂爬七十八層樓去搶高圓圓。更慘嘅係,周最後似乎都得唔到楊千嬅嘅心,不過片末冇好清楚俾答案你。嗯,斷估都唔會有第三集,不過我好肯定嘅係,高圓圓依家已經後悔緊啦。


劇情:離開程子欣(高圓圓飾)後,「地球男」張申然(古天樂飾)遇上在對面大廈上班的「女股神」楊鴦鴦(楊千嬅飾),二人火速相戀,但張仍不離花心性格,鴦鴦對其隻眼開隻眼閉。直至遇上「法國男」程子建(周渝民飾),其浪漫癡情令鴦鴦為之心動。申然恐怕「失愛悲劇」重演,欲和鴦鴦速定終身。天意弄人,程子欣一直仰慕叱吒股壇的鴦鴦,最後成功應徵為其下屬……程子欣再次在申然眼前出現,令他方寸大亂,更意想不到是,「火星男」方啟宏(吳彥祖飾)竟向程子欣大方承諾,讓她再揀一次。   五個男女,四段感情,最愛是誰?
片長:113分鐘
發行:洲立影視
特別收錄:●製作特輯   ●預告片

回首頁      列印

 

 

/92



C觀點

中原城市領先指數

廚神

旅遊