2016年12月16日

[am人物]環評報告釀師徒對決 洪家耀:海豚無命返嚟

2014年07月07日
全部 > 新聞
  • [am人物]環評報告釀師徒對決 洪家耀:海豚無命返嚟

  • 編號為NL123及NL285的海豚。

    編號為NL123及NL285的海豚。

  • 洪家耀每周均出海考察。

    洪家耀每周均出海考察。

   

 

機管局建議在機場以北填海興建第三條跑道,並就項目推出環境影響評估報告,但當中針對中華白海豚棲息情況及緩解措施的內容,意外釀成美國海豚專家Dr. Thomas Jefferson,與本港海豚專家、香港海豚保育學會會長洪家耀「師徒對決」。洪家耀不滿用作保育中華白海豚的新海岸公園,需在第三跑道動工後7年始劃設,質疑海豚屆時已因工程而絕跡,並對海豚會先遷離原居地,工程後再返回的假設表示驚訝,促請政府認真考慮在大澳改劃保育區。
 
記者:賴銘傑
 

早在興建赤鱲角機場階段,洪家耀已跟隨Dr. Thomas Jefferson研究本港海豚生態,「咁多年我對保育嘅概念都係佢教我」,雙方多次合作發表中華白海豚的研究,關係亦師亦友。不過,兩人角色在17年後的今天巨變,師傅已成為機管局其中一名專家,分析由徒弟等環團提交的中華白海豚數據,並擬定多項緩減措施。然而,洪家耀對師傅的分析非但不表認同,更形容是「非常失望」。

「十幾年前佢寫海豚嘅情況,佢建議政府採取一個precautionary principle(預警原則),當你唔sure(肯定)嗰(情況)時,寧願做多啲(保育措施),寧願去得盡啲,呢個係佢教我㗎!」洪家耀語帶激動地指,港珠澳大橋填海工程已令周邊海豚幾乎絕跡,而大橋工程規模僅及第三跑道工程的四分之一,「嚟到呢個situation(處境),海豚出沒數字十年間跌咗六成,港珠澳大橋仲蹂躪緊啲海豚,係咁嘅情況下仲作出咁樂觀預測,講緊7年咁大型填海工程,你話海豚仲有命返嚟,我真係接受唔到」。
 

嚴重低估海豚生態
洪家耀口中的「樂觀預測」,是指由他師傅等專家為環評報告撰寫的影響評估,嚴重低估第三跑道選址附近的海豚生態,「研究發覺夜晚海豚出現情況遠高於日頭,佢哋報告結果話係potentially important habitat(潛在的重要棲息地),當佢去到影響評估嗰度成日講唔係一個好重要棲息地,海豚匆匆路過啫,好似玩失憶,唔記得咗第二個研究話好重要」。他續指,環評報告中針對中華白海豚的緩解措施,亦多針對日間移動情況,「夜晚冇咗個棲息地又唔講」。

更令洪家耀氣憤的是,環評報告中一方面提到工程期間,高峰期會有300艘工程船在海域穿梭,一方面卻強調海豚多受高速船影響,提出要求船隻限速作為緩解。洪家耀反問:「慢嘅船係咪就當冇影響,唔係淨係速度㗎嘛,量都好犀利,完全ignore(忽視)咗個量,成個海鋪晒啲船喺度當佢唔郁,你都阻住海豚上水呼吸嘛」。他稱,船隻除有機會撞到海豚外,亦會依據速度發出高頻及低頻聲音,影響海豚導航、溝通,甚至尋找食物的能力。
 

陰乾大小磨刀洲海岸公園
至於位於機場西北方的沙洲、龍鼓洲海岸公園,生態亦備受機場第三跑道威脅。洪家耀指,環評報告中提出第三跑道選址,與海岸公園最近相距只有900米,「周圍有工程船出出入入,佢竟然話係輕度影響,話工程進行嗰陣,海豚咪會去晒海岸公園,反而會仲多咗海豚,咁同集中營有咩分別」。連接沙洲、龍鼓洲海岸公園,以及因應港珠澳大橋而新劃設的大、小磨刀洲海岸公園的通道,亦受到第三跑道及龍鼓水道夾擊,「大、小磨刀洲海海岸公園2016年先有,同年又話起跑道,咪陰乾成個海岸公園」。

洪家耀正發起「海豚三十」行動,在第三跑道本月19日公眾閱覽完結前,收集市民意見。
 

回首頁      列印

 

 

/48



C觀點

中原城市領先指數

廚神

旅遊